Ogie, wala nang mahihiling pa

Ano pa kaya ang mahihiling ng isang Ogie Alcasid in terms of his showbiz career?

Nasa kanya na halos ang lahat. He is an accomplished singer, a good musician, a fine actor, a funny comedian and a very entertaining host. Si Ogie ay talaga namang napaka-talented and not to mention lucky (sa misis niyang Ms. Australia, Michelle Van Eimeren).

Si Ogie Alcasid ay nagi-enjoy ngayon bilang host ng Family Feud na unti-unti nang umaariba sa ere simula pa noong isang buwan.

Si Ogie ay nag-host na ng ilang gameshows (Fastbreak – a small game offshoot of the PBA, Lunchdate – along with Rustom Padilla at Game Na Game Na (with Roderick Paulate)

Sabi ni Ogie, enjoy siya sa pagho-host ng gameshow dahil ito ay may entertainment value at isang learning experience para sa kanya. Naniniwala si Ogie na magtatagumpay at magtatagal ang Family Feud dahil sa track record nito sa Amerika at sa tried and tested na format nito.

Ang Family Feud ay nagsimula noong November 19, panoorin si Ogie sa kanyang pag-deliver ng world-famous line "and the survey says" sa ABC-5, the emerging gameshow network.