Baby M., live in Manila

Si Baby M, ang 17 years old British-Japanese artist based in Japan at tinatawag na Britney Spears of Tokyo ay magkakaroon ng concert dito sa Quezon City, sa Virgin Cafe Morato sa Nobyembre 25, 8:00 n.g. Makakasama niya ang dalawang Pinoy artist na naka-base rin sa Japan, sina Ron Antonio at Jeana V. Kasama rin ang mga local talents na KIR at Battle Crew. Host sina Mojo Jojo ng 89.9 Magic.

Bagaman at sa Japan nakapag-establish ng career si Baby M, madalas siyang naririto sa bansa na itinuturing niyang ikalawang tahanan. Tumira siya rito ng mahigit sa tatlong taon.

Ang konsyerto ay gagawin ni Baby M para makapagpatayo ng isang iskwelahan para sa batang Pinoy sa Tokyo. Gusto rin niyang mag-establish ng isang orphanage sa Muntinlupa City at isa pa rin sa pinoproblema niya ay ang poor children of the movie industry.

Bukod sa concert, magpalabas ng isang mini-fashion show para sa bata. Tampok ang disenyo ni Naomi Dizon.