Mas gustong mag-make up ng iba si Susan Lozada

Guest si Susan Lozada sa latest episode ng Bubble Gang sa GMA. "Actually, I used to be one of the regular cast of this show. Kasama ko na noon pa sina Assunta and Ara," sabi niya noong Lunes sa Filmex, Makati.

Kasabay din sila ni Susan sa That’s Entertainment. Nakagawa siya ng walong pelikula kabilang na ang Cedi, Ang Munting Prinsipe, pero hindi niya malilimutan ang una niyang pelikula, Og Must Be Crazy at ang Dyesebel na pinagbidahan ni Charlene Gonzales, kung saan siya (Susan) gumanap bilang isa sa mga sirena. "Of course, memorable rin sa akin yung No Read, No Write where I starred with Caloy Alde," sabi niya.

May panahong na-link siya kay Earl Ignacio na nakasama niya sa TV sitcom, Si Tsong, Si Tsang. The linking did not prosper kasi, maru-ruin ang show kung mai-involve kami sa isa’t isa. So we just stayed professionally. Isa pa, walang puwedeng mai-link sa akin dahil sa Mama ko. Lagi kong kasama, natatakot sila."

Nang gabing iyon sa taping ng Bubble Gang, kasama ni Susan ang nanay niyang ex-Olympian swimmer, si Tuding Lozada. Tatlong taon na ang nakararaan nang magpunta ng America si Susan at tumira siya sa kanyang tatay na isang Italian-German pero US citizen. Nakisama siya sa kanyang stepmother. "In the States, I was quite independent. I got my own place. It’s like being alone because we’re all at work. Nalungkot ako, naisip ko, my Mom is not gonna be around that long. Why not spend most of my time with her while I’m still single? Kasi, I love my Mom very much. There were times na hindi ko siya maintindihan. Masyado siyang over-protective. I was pushing her away. But when I experienced working in America, doon ko na-realize how important my Mom is."

Isa sa mga dahilan kung bakit nag-lie low siya sa showbiz ay ang klase ng pelikulang inaalok sa kanya. "Most of them were bold films. If I accept the offer, I know it’s not me."

Huling buwan ng 1998, nagpasya si Susan na mag-aral ng Cosmetology sa Career Academy of Seal Beach, California. Pagkatapos ng kursong iyon, nakapasa siya sa State Board Examination. Bago ang kursong ito, nag-enrol siya sa UP, Diliman, para sa isang Music course. "I only finished 24 units at the UP Conservatory of Music, pero nakapag-concert ako sa Japan. I played the saxophone with a live band, for 3 months. I also played in Guam for a month."

Sabi ni Susan na 23 anyos na ngayon, "Nagamit ko yung Cosmetology course ko sa family ko lang. Gusto ko, in the near future, mag-fullblast ako, sa malls, all around the Philippines. But I want to take up advance training at Vidal Sassoon first. Right now, I am doing business, here in "My Seven Diamonds". What I can earn from this company is what I’m gonna use to put up those saloons. I want a saloon that is world-class. That’s why the preparation is long. Gusto ko, talagang very credible."

Sa My Seven Diamonds, representative ng kompanya si Susan. Merong enterpreneurship program tuwing Miyerkules, ala-siyete ng gabi sa Hotel Intercontinental, Makati. Ang mga interesado sa program na ito ay maaaring magtungo roon at hanapin lang si Susan o ang mommy niya. O i-text raw siya sa 0917-843-1944.