Ano'ng problema ni Kim?

Nanghihinayang ang karamihan sa sumusubaybay sa career ni Kim delos Santos sa mga nakikita nilang pagbaba ng kasikatan at popularidad nito. Bakit lumolobo raw ng husto ang katawan nito. Unang natsismis na siya ay nagdadalang tao at ang ama raw ay ang kanyang ka-loveteam na si Dino Guevarra. Hindi maganda ang tanggap ng mga fans sa bagay na ito lalo pa nga ang katotohanang may anak na si Dino sa ibang babae at nabuntis niyang muli ang babaeng ito sa pangalawang pagkakataon. Pero hindi yata alintana ni Kim ang lahat dahil patuloy pa rin ang kanilang relasyon at patuloy pa rin ang kanyang pagtaba. Natigil lamang ang kanyang paglabas sa pelikula dahil sino naman daw ang gustong manood ng isang babaeng ubod ng taba kahit gaano kaganda.

Maganda na sana ang itinatakbo ng career ni Kim na nagsimula bilang child actress sa pelikulang Rosenda bilang anak ni Janice de Belen. Nadiskubre siya ni Mina del Rosario, ang better half ng Viva President na si Vic del Rosario, at si Kim ay inalagaan upang tanghalin bilang Viva superstar along the line of Sharon Cuneta. Pero namatay si Mina kaagad dahil she succumbed to a heart failure. At malaking bagay ang pagkawala ng personal attention ni Mina del Rosario sa career ni Kim dahil maimpluwensiya at may clout naman siyang talaga sa local showbiz.

Pagkaraan ng ilang projects sa Viva, parang suporta na lamang ang role ni Kim sa long-running series ng GMA na Anna Karenina. Sinabi rin ni Kim na ang kanyang pagtaba ay dahil sa kanyang glandular problem at kahit anong diyeta o slimming process ang kanyang gawin, hindi pa rin mabawas-bawasan ang kanyang timbang. Sabi naman ng ilang detractors ay baka naman dahil sa emotional problem kaya ito’y patuloy na tumataba dahil may problema raw si Kim hindi lamang sa kanyang boyfriend kundi pati sa kanyang mga magulang. Talagang sayang kung matitigil si Kim ng dahil sa kanyang problema. Mahusay itong aktres at ang ganda niya ay hawig kay Amalia Fuentes noong kabataan nito. At malaki na rin naman ang kanyang pinagpaguran sa showbiz. Bibihira ang nabibiyayaan ng oportunidad tulad ni Kim delos Santos, sana naman ay maresolba na niya ang lahat.

Matet might end up a very successful character actress

Siguro masu-surpass ni Matet de Leon ang lahat ng mga negative intrigues swirling about her person and if she gets lucky, she might end up a very successful character actress and who knows, bida pa sa pelikula. Tutal nagbida na rin si Matet at kaya naman niya. Matet is not your usual cutie-pie beauty and personality. Hindi niya itinatago ang kanyang physical flaws.

Natural na natural ang dating ni Matet at kahit ang kanyang acting ay walang pakiyeme. Hindi naman maarte pero artistang talaga. Dahil siguro lumaking may mga emotional garbage na dala-dala kaya maging ang mga complicated kind of emotional problems ay puwede niyang i-portray ng buong husay. Matter of fact ang tatak ng kanyang acting, walang masyadong arte. Very effective siya bilang anti-heroine.

Hindi naman baguhang artista si Matet dahil batang maliit palang ay lumalabas na siya sa pelikula bilang kerubin sa isang Regal Films production. At siguro ang pinakatampok niyang papel ay bilang co-star ni Fernando Poe Jr. at Dawn Zulueta sa isang action-comedy movie. Natigil lang sa paglabas sa pelikula si Matet nang siya ay magdalaga at nasa awkward stage siya. Pero saksi raw siya sa mga emotional ups and downs ng kanyang adoptive stage mother na si Nora Aunor. Hindi siguro ideal na sitwasyon para sa isang lumalaking kabataan ang maging anak ng isang Superstar na hindi kailanman naging panatag ang buhay.

*****

Email: jen08@ edsamail. com.ph