Kaya tinanggal sa drama: ABS-CBN, naaalarma sa show ni Edu

Grabe raw ang cost cutting ngayon sa ABS-CBN. Pati tissue paper daw ay tinitipid na ngayon sa mga artista nila. Pinagdadala na rin daw ng sariling plates, baso, spoon & fork ang mga artista. "Noon lahat libre ‘yun, ngayon talagang lahat tinitipid," the source informs.

Kahit sa mga artista, cost-cutting din ang Dos. In fact, unang biktima sina Edu Manzano at Direk Jose Javier Reyes ng Sa Puso Ko, Iingatan Ka. na tinanggal without prior notice.

Pero ayon sa ilang observer, sa kaso ni Edu hindi cost-cutting ang totoong rason kundi nararamdaman nilang threat sa Game Ka Na Ba? ni Kris Aquino ang The Weakest Link ni Edu sa Channel 13 na tinalo lahat ng show ng ABS-CBN since mag-start ito last week. Very positive kasi ang feedback ng TWL compared sa Game Ka Na Ba. Kaya out of the blue, biglang papatayin ang character ni Edu bilang tatay ni Judy Ann Santos sa Sa Puso Ko, Iingatan Ka.

Base kasi sa report, kahit Maalaala Mo Kaya ay nag-suffer sa rating dahil sa The Weakest Link kaya naalarma ang ABS-CBN.

Well, dapat nga palang maalarma ang management dahil paano nila tatapatan ang TWL eh ‘yung pantapat nilang Game Ka Na Ba? hanggang ngayon ay di maka-take off.

*****

Ultimate goal ni Jericho Rosales na magkaroon ng sariling isla. You read it right folks, feeling niya mako-compensate lahat ng ginagawa niya kung magkakaroon siya ng sariling isla. "Once na makabili ako no’n, mako-consider ko na successful na ako. Kasi that’s the sign of success for me. Ewan ko, sobra kasi talaga ang obsession ko sa dagat," she says.

Aside from isla, plano rin niyang bumili ng sariling yacht and a farm in La Union. "Do’n kasi ako nagsu-surf. Saka puwede dun magtanim ng mangga," he says.

Anyway, almost two years na rin silang loveteam ni Kristine Hermosa. "So far, maganda naman ang nangyari sa amin. Hindi namin pinipilit ‘yung sitwasyon na kami na nga pero we really care for each other. Formality na lang ang kailangan. Pero like what I’ve said earlier, ayokong madaliin. Let it flow. Panahon na lang ang magsasabi kung kami talaga in the end although sa ngayon, nararamdaman ko na siya ang babaeng gusto kong makasama for the rest of my life," he says sa isang chance interview.

Anyway, si Jericho lang ang puwedeng maka-partner ni Kristine on screen sa kissing scene. Of course, very flattered ang actor. "Suwerte ko naman. Imagine, ako lang ang puwedeng humalik sa kanya. I’m sure maraming mai-insecure sa akin," nakangiting sabi ni Jericho.

Tiwala rin sa kanya ang parents ni Kristine. "Ayokong ma-disappoint ang parents niya sa akin kaya ingat na ingat ako sa mga sinasabi ko," he says.

At any rate, busy sila promoting Trip na naka-schedule mag-kick off sa Metro Manila theaters next week.

*****

Speaking of Kristine, kung hindi lang siguro sila MU ni Jericho baka ma-link din siya (Kristine) kay Mark Lapid, anak ni Pampanga Governor Lito Lapid. Si Kristine kasi ang leading lady ni Mark sa launching movie niya, Dugong Aso for Mega Built Production na dinirek mismo ni Gov.

Pero ayon sa isang close friend ni Mark, hindi rin puwede. Ang rason: three years na silang on ni Darlene Carbungco, reigning Mutya ng Pilipinas na representative ng bansa sa Miss Asia Pacific Quest 2001. Yes folks! Si Mark ang boyfriend ni Darlene. As much possible, ayaw daw pag-usapan ni Mark ang tungkol sa kanilang relasyon lalo pa nga’t nagi-start ng sariling career si Darlene sa tulong ng GMA 7. In fact, lately daw ay very seldom magkita ang dalawa dahil nga nagpi-prepare si Darlene para sa Miss Asia Pacific Quest.

Anyway, kung excited si Mark sa kanyang first solo starrer, mas excited si Gov. sa pelikula ng anak na siyang nag-direk. Matagal-tagal na rin kasing nagdi-direk si Gov. pero never niyang ginamit ang name niya. Pero sa Dugong Aso, ipinagmamalaki pa niyang siya ang director ng solo picture ng kanyang panganay.

*****

Ngayon lang lumalabas ang totoong rason kung bakit naghiwalay sina Raven Villanueva & Diego Castro. Nag-the end kasi ang love affair nila nang walang conclusion. But when Raven came back after two years, muling pinag-uusapan ang nangyari sa kanila lalo na nga’t nag-decide na rin si Raven na mag-join sa bold wagon.

Ayon sa isang source ng Baby Talk, isa sa mga rason ay ang pagiging sadista ni Diego. "Grabe raw ‘yan si Diego. Sadista ‘yan as in kailangan muna niyang saktan si Raven bago sila mag-sex noon," the source recalls.

Sa isang interview, sinabi rin ni Raven na gusto niyang ma-realize ni Diego na nanghihinayang siya sa nangyari sa kanilang relasyon. Pero parang walang planong i-acknowledge ni Diego ‘yun dahil last Sunday ay lumabas siya sa The Buzz kasama ang new girlfriend at anak nila ni Raven.

Anyway, talaga raw nakipag-compete si Raven kay Rica sa pagpapakita ng boobs sa Dos Ekis. Ayon nga sa isang nakapanood ng movie sa advance screening nito, grabe talaga. Pero na approved ito ng MTRCB without cuts.

"I miss showbiz so much. I realized that showbiz is my life, so here I am now as a different Raven hindi katulad noong bago ako umalis," says Raven who worked at a resort in Guam where she also studied Management.

Feeling ni Raven hindi pa huli ang naging decision niya na mag-bare. "Nothing is too late if you set your mind to it," she ended.

Bored housewife with a good-for-nothing husband ang role ni Raven na siyang dahilan ng pagsi-seduce niya kay Mark Anthony Fernandez. At sa mga lovescene nila ni Mark, patutunayan niya sa buong mundo na tuluyan na niyang tinalikuran ang sweet image.

Meanwhile, kino-consider naman ni Rica na pinaka-boldest movie niya ang Dos Ekis with Mark Anthony Fernandez. Pero balitang nagkaroon ng reklamo sa billing si Mark na dahilan din para pumunta siya ng America. Nag-deny si Rica tungkol dito.

Dos Ekis is under the direction of Erik Matti for Viva Films. Nag-start mapanood ang movie kahapon na balitang ilang milyon ang kinita.

*****

Salve V. Asis' e-mail: [email protected] / [email protected]