Ang pelikula pala ng
MMG Films na pagsasamahan sana ng isang anak ng direktor na ipinangalan sa dating presidente ng Amerika na si
Ronald Gan at ng bagong artistang anak ng presidente ng Pilipinas na si
Mikey Arroyo ay na-shelve muna.
Pero in the meantime, gumagawa si Ronald Gan ng bagong pelikula niya sa MMG at kakaiba ang movie na ito dahil hindi ang tatay niyang si
Roland Ledesma ang direktor kundi si
Eddie Garcia.
Siguro naman maiiba sa panlasa ng mga fans ni Ronald Gan ang pelikulang ito.
Ang pelikula raw ni Mikey Arroyo ay talagang na-shelve na dahil walang makitang leading lady.
| Bakit kumita ang Juday/Piolo movie? |
Ang isa pang magandang balita tungkol sa showbiz ay ang box-office success ni
Judy Ann Santos sa
Bakit Di Totohanin. At ang charm daw ng pelikulang ito ay maipupunto mo sa mga lumang artistang tulad nina
Vic Vargas at
Gloria Romero na nagko-komedi naman sa pagkakataong ito. Ang papel ni Judy Ann
at
Piolo Pascual ay bilang mga boksingera at boksingero. Natatandaan daw ng tatay ko na noong araw si
Susan Roces ay lumabas na sa isang papel bilang boksingera. Pero noon ay hindi pa nauuso ang mga babaeng nalilinya sa boxing tulad ngayon na mga anak ng babae ng mga world champions ang naglalaban sa Amerika halimbawa ang anak ni
Frasier at ni
Ali.
Ang isang pelikulang katulad ng
Bakit Di Totohanin ay parang pambawi na lang sa mga pelikulang disaster kamakailan. Pero may mga pelikulang katulad ng kay Judy Ann at
Assunta de Rossi na bumabawi-bawi sa takilya at nagpapalapad na naman ng pag-asa ng ating mga producers.