Gustong b-day gift ni Tin-tin

Dalawang birthday gift ang gusto sanang matanggap ni Kristine Hermosa ngayong Linggo. Gusto niyang magkaroon ng Rav-4 kasama ng lisensiya sa pagda-drive at diamonds. "Pero alam kong imposible iyon. Wala namang magbibigay sa akin ng ganu’n," sabi agad niya.

"Matagal ko na kasing gustong mag-drive at magkaroon ng sariling sasakyan. Gusto ko Rav-4 para hindi na ’yung van ang dinadala ko sa taping. I also love diamonds kaya lang sobrang mahal no’n."

Eh, paano kung may magregalo ng mga ito sa birthday niya sa Linggo?

"Ang bait naman niya. Pero sisiguraduhin ko muna na talagang birthday gift ’yon. Baka kasi may kapalit, eh, mahirap na, di ba?" tugon pa niya.

Kahit 18 na si Kristine sa September 9 ay hindi pa rin daw siya magbo-boyfriend.

"Choice ko rin naman ’yon, eh, ang hindi muna mag-boyfriend. Marami pa akong gustong gawin at may pangarap pa ako sa pamilya ko kaya nag-decide ako ng ganu’n." — LB