Walang kaluluwang ama

Hindi pa natatagalan nang mabasa natin ang nangyayari sa mag-iina. – tatlong anak at misis na walang awang pinatay at inilagay sa drum ng kanilang sariling ama sa isang probinsiya. Iniwan niya ‘yun at pumunta ng Florida ang walang kaluluwang ama. Pero pagdating ng Florida ay nasa talaan ng mga wanted si Mr. Atalia kaya pinabalik siya ng bansa at kasalukuyan siyang nakakulong.

Ang Atalia Massacre ang mapapanood ngayong Martes, 9:00-10:30 p.m. sa Kasangga over GMA 7.

Pinag-usapan ang nangyari at naging istorya sa mga pahayagan.

Hindi na sana madidiskubre ang nakabaong katawan ng mga Atalia kung walang naghukay ng mga lupain para sementuhin ang nasabing lugar.

Nangamoy ang lugar at doon na-kumpirma na ‘yun ang nawawalang mag-iina na matagal ding hinanap ng kanilang kamag-anak.

Si Mark Gil ang gaganap na suspek samantalang si Alma Concepcion naman ang pinatay na misis.

Ang Kasangga ay mapapanood tuwing Martes, 9:00 -10:30 p.m. sa GMA 7.