Headless teenagers sa 'Kasangga'

Naisip n’yo bang puwedeng mangyari ang ganito: Makita mong walang ulo ang anak o kamag-anak mo na lumabas lang ng bahay ay hindi na nakabalik sa piling n’yo?

Posibleng mangyari ang ganitong sitwasyon na mapapanood n’yo ngayong gabi sa Kasangga sa episode na "Headless Teenagers" over GMA 7, 9:00-10:30 p.m, ngayong Martes, ang isa sa karumal-dumal na nangyari sa tatlong teenager na pinugutan ng ulo, pagkatapos ay nakitang nakalutang ang katawan sa ilog.

Gagampanan nina Chubi del Rosario, Januz del Prado at Trina Zuñiga ang character ng tatlong kabataan na pinatay at pinugutan ng ulo. Makakasama nila sa nasabing episode si Bembol Roco.

Hindi pa rin tumitigil ang mga writer ng Kasangga sa paghahanap ng mga karumal-dumal na krimen na puwedeng ilahad sa publiko upang mabigyan ng katarungan.

Kaya naman bawat linggo ay kapana-panabik ang kanilang episode.

Panoorin ang Kasangga tuwing Martes, 9:00-10:30 sa GMA 7.