Pido with take one sa SM Supermalls

Sisimulan na ngayon ng sumisikat na pangkat na kilala sa tawag na Pido W/ Take One ang maglibot sa iba’t-ibang sangay ng SM Supermalls upang handugan ang mga tagahanga nila ng special live shows. Itatampok sa bawat live show nila ang pagtatanghal ng pangkat ng mga awit na napapaloob sa kanilang self-titled debut album sa ilalim ng MCA Universal.

Ang Pido W/ Take One na dating kilala lamang sa live circuit ay umuukit na rin ng pangalan sa local recording sa pamamagitan ng carrier single na pinamagatang "Bakit Di Mo Pansin", na ngayon ay paborito na ng maraming music fans.

Ilan sa mga SM Supermalls na nakatakdang magtanghal ang Pido W/ Take One ay ang: SM Sucat (Parañaque City) sa Hunyo 10, SM Megamall sa Hunyo 15, SM Pampanga sa Hunyo 16, SM North EDSA sa Hunyo 17, SM Southmall sa Hunyo 22, SM Bacoor sa Hunyo 23, SM Manila sa Hunyo 29, SM City Iloilo sa Hulyo 1 at SM Cebu City sa Hulyo 6.