Joko, ikakasal na!

Joko Diaz ikakasal na! You read it right, isang flight stewardees ang girl na pakakasalan ng aktor.

Hindi ito ‘yung girl na nauna niyang sinabi na pakakasalan niya.

Noon pa man ay sinasabi na ni Joko na pakakasal siya sa isang non-showbiz girl pero walang nangyari. This time, mukhang seryoso sa kanyang plano ang aktor na incidentally ay guest bukas sa Kasangga.

Makakasama ni Joko si Beth Tamayo sa nasabing episode.

Walang masyadong balita kay Beth sa kasalukuyan particularly sa kanyang movie career. Ikakasal na rin kaya siya tulad ni Joko?

Anyway, kasalukuyang nasa Dumaguete ang grupo ng writers ng Kasangga para maghanap ng mga kakaibang kuwento na maaaring i-feature sa nasabing docu-drama. Ayon kay Andrea Tan, hindi muna nila pinalabas outside Luzon ang mga writers nila before the election dahil sa mga kaguluhang nangyayari sa may parteng Mindanao.

Pero tapos na ang election, kaya muling naglilibot sa buong bansa ang mga writers nila para sa mas interesting na pangyayari sa buhay ng pangkaraniwang tao na hindi agad nabibigyan ng katarungan.

Dahil sa kanilang pagsisikap na makakuha ng mas magagandang kuwento, patuloy ang pagtaas ng rating ng programa na mapapanood tuwing Martes, 9:00-10:30 p.m. sa GMA 7.