Mas naging daring pa si Halina

Pagkatapos alipinin ni Halina Perez ang mga manonood sa pelikulang Alipin ng Tukso at dalhin sa glorya ang masang Pinoy sa Ikapitong Glorya, heto’t babalandra na naman ang kanyang alindog sa bago niyang pelikulang Makating Bunga ng kanyang mother studio — Leo Films.

This time, lalong naging mapangahas ang "Halina ng Bayan" dahil ang role niya sa naturang pelikula ay nympho maniac.

Bale apat ang mga lalaking nakasama rito ni Halina. Kung tawagin nga ang mga lalaking ito ay mga "Makabagong Adonis ng Bagong Milenyo".

Ang bida sa kontrobersyal na pelikulang Live Show na si Paolo Rivero, ang barakong si Allen Dizon, ang macho-guwapitong si Juan Carlos Castro at ang kaibig-ibig na si Francis Enriquez at may special participation din si Harold Pineda na kasama niya sa pelikula.

Samantala, kasama rin sa pelikula sina Jean Saburit, Lito Legaspi, Lovely Rivero at Rita Magdalena. Mula pa rin sa Leo Films at sa direksyon ni Rico Tariman. (Ulat ni Rodel Fernando)