Ipinaliwanag pa rin ng seksing aktres ang balitang may lumabas siyang nude photos. Ayon kay Pyar ay never pa siyang nagpa-pictorial nang hubad at nakaharap pa.
"May mga nude poses ako pero hindi frontal, lahat nakatalikod. Sa palagay ko ay niretoke lamang ang mga photos. Baka inilagay ang mukha ko sa katawan ng iba. Wala talaga akong matandaang frontal nudity, sa pelikula man o sa pictorial. Gawa- gawa lamang ito at gusto akong ipang-hanapbuhay. Pero matakot naman sila. Masama ang ginagawa nila at pagbabayaran nila ito ayon sa law of karma. Walang masamang gawain na hindi pinagbabayaran, hindi man ngayon, bukas, next month, next year, next 10 years. Kahit kailan pero, babayaran at babayaran nila ang anumang pagkakautang nila. Lumusot man sila sa tao, hindi sa Panginoong Diyos," aniya pa. – EAB