Mowelfund sponsors photo workshop

Ang Mowelfund Film Institute-School of Photography, ang nag-iisang training school para sa mga taong mahilig sa photography na may kumpletong pasilidad at kagamitan mula sa pag-develop ng film hanggang sa printing, ay magbibigay ng isang intensibong photography workshop mula May 4 hanggang June 5, 2001, 1-5 p.m., Lunes hanggang Biyernes sa Mowelfund Plaza, 66 Rosario Drive, Q.C.

Ang Mowelfund ay isang non-stock, non-profit foundation na naglalayong tulungan ang mga maliliit na manggagawa sa larangan ng industriya ng paggawa ng pelikula. Hangad ng pamunuan ng Mowelfund na mabigyan pa ng sapat na tulong ang mga miyembro kagaya ng libreng gamot, hospitalization at death aid.

Ang Basic Photo Workshop 2001 ay ginagawa taun-taon at marami na ring naging matagumpay sapagkat nadagdagan ang kanilang kaalaman di lamang sa tamang composition kundi maging sa tamang pag-iilaw at mga teknik sa pagkuha ng larawan. Mga batikang photographers ang inaanyayahan upang magbigay ng panayam sa mga nais sumali.

Ang Kodak Phils. at National Commission on Culture and Arts ang mga supporter ng MFI sa paghubog ng talino sa mga amateur at professional photographers sa larangan ng pagkuha, pag-develop at pag-print ng mga larawan.