Viva Stars Sa 'Lakas Pinoy'

May triple header show na mapapanood sa Araneta Coliseum sa Mayo 5. Ito ay isang boxing event na pangungunahan ng kampeon na si Gerry Peñalosa laban sa ex-champion naman na si Keiji Yamaguchi ng Japan sa isang 12-round fight.

May laban din sina Joma Gamboa, WBA Minimum Weight champion at si Pigmy Muangchaiya ng Thailand. May laban din ang hindi matalu-talo na ring sensation na si Randy Suico at ang taga-Thailand rin na si Khumphoon Eausamphan.

Magsisilbing round girls ang mga sexy stars ng Viva.Inaasaha na ang pagdalo nina Robin Padilla, Phillip Salvador, Rica Peralejo, Mylene Dizon at Edu Manzano.

Ang tatlong malalaking laban ay may titulong Winning Time –Lakas ng Pinoy The WBC International Super Flyweight Championship ay mapapanood sa IBC 13 sa mga sumusunod na petsa: Abril 28,5:30 ng hapon-7:00 ng gabi, Mayo 5, 9:00 n.g.-12:00 n.g. na mauulit kinabukasan, Mayo 6, 4:00 n.g. -6:30 n.g.

Makakabili ng tiket sa lahat ng SM ticketnet outlets.