Rainier Morales hahataw muli!

Hindi gaanong pabor ang singer-actor na si Rainier Morales na lumabas sa pelikulang may lumang tema. Ganito ang gustong gawin sa Ika-pitong Glorya ng Leo Films para huwag mawalang muli ang mga moralistang tumututol sa sobrang bold sa pelikula.

"Baka hindi naman magustuhan ng mga tao na manonood ng ganitong pelikula. Bagong panahon na kasi ngayon," sabi ng aktor.

Mabuti raw naipalabas ang movie na kung saan rapist ang role niya bago nag alsa ang moralista. May nagtatanong naman, bakit sa pelikulang English, okey lang ang hubaran? Bakit sa pelikulang lokal, napakahigpit?

Hahataw uli si Rainier ngayon sa mga shows. Kasama niya sa larawan ang child star ng El Niño Films na si Ten-ten na lumabas sa pelikulang Uhaw Sa Init. Palaging lumalabas sa El Niño Films si Ten-ten at may sariling style sa pagganap. May magandang plano din para kay Ten-ten. Tuloy naman sa paghataw si Rainier, na dating taga Thats Entertainment. Ilang panahon ding nakipagbuno doon ang naturang aktor. —VG