Bernard, walang regret sa pagri-rebelde

Walang regret si Bernard Palanca kung naging rebelde man siya noon. "Kung hindi sa mga nangyari, wala siguro ako ngayon sa kinatatayuan ko. And I have my own raw reasons kung bakit ko ginawa ‘yun," he explains tungkol sa pagiging rebelde niya sa kanyang pamilya ng kung ilang taon din. Sa panahon ng kanyang pagri-rebelde, he admits na gabi-gabi siya lasing at malimit may kaaway. Pero habang nagma-mature siya, na-realize niya ang kahalagahan ng buhay. Ngayon, normal na ang takbo ng buhay niya sa poder ng kanyang ina na si Pilar Revilla at kanyang stepdad at mga half brothers and half sisters. "Now I’m the opposite of how I used to be. I’m glad that now, I’m sick of it na, you know what I mean."

"Pagkatapos ng kanyang pagri-rebelde, maraming bagay ang dumating sa buhay niya. May kontrata siya ngayon sa Viva Films, two years three pictures contract, pero may option naman siyang gumawa ng movie outside Viva.

In Sa Huling Paghihintay, equal ang exposure nila ni Rica Peralejo. Twice ang lovescene nila at dalawang beses rin ang daring scene nila ni Jackie Forster. Pero wala sa plano niyang mag-all-the-way sa movie, hanggang pagpapa-sexy like what he did in Rica’s movie. Hanggang lovescene lang ang kaya niyang gawin. Mas feel niyang mag-action sa pelikula. "May plano kami ni Direk Erik Matti, pero wala pang definite, lahat plano pa lang. Kuwento-kuwento lang."

Personal choice ni Direk Matti si Bernard sa Sa Huling Paghihintay. Hindi naman nagkamali si Direk dahil mismong siya ay na-shock sa rapport ng dalawa. "Grabe ang reaction. Talagang kinikilig lahat," Direk Matti says.

"Actually, it came out very sexy. Kaya siguro ganoon ang sinasabi ni Direk Erik," reacts Bernard after the presscon.

Aside from underwater scene, added attraction sa pelikula ang butterfly scene na lumabas na natural dahil kusang dumami ang butterfly.

One year pa lang siya sa showbiz nang makilala ni Bernard si Direk Matti dahil ito ang naging facilitator ng ABS-CBN Talent Center sa kanilang workshop kung saan nagwo-workshop ang younger brother niyang si Miko. Napanood ni Bernard ang Scorpio Nights 2 na kino-consider na unang obra ni Matti. Ang nasabing pelikula rin ang nag-launch ng stardom ni Joyce Jimenez. "Direk Matti is more than a director to me, kaibigan din siya," the actor says.

Sa apat na taong itinagal niya sa showbiz, lahat supporting role ang napunta sa kanya hanggang dumating nga ang offer ng Viva. "I’m not in a hurry naman. Naghintay lang ako ng tamang pagkakataon."

Pinakahuli siyang napanood sa Bukas Na Lang Kita Mamahalin starring Diether Ocampo and Angelu de Leon. Bestfriend siya ni Diether sa nasabing pelikula. "Parang true-to-life ‘yung character ko do’n. ‘Yung nightlife, ‘yung pagiging kaibigan ko," he relates.

In real-life talagang very active ang night life niya. Lalo pa nga’t almost every night ay may gig ang band niyang Bisquit Factory. Sooner or later ay gagawa na rin sila ng album sa Viva Films.

Anyway, obviously, after the movie, okey na sina Bernard at Rica. Okey as in confirmed na may understanding na sila. During Rica’s 20th birthday, hindi man nila sabihin directly, magka-holding hands naman sila.

Wala namang problema, dahil favor naman ang mga kapatid at si Mommy Alice kay Bernard for Rica.

At any rate, nakakakilig ang Sa Huling Paghihintay. The movie is set to kick-off on March 21.

*****

"Naging ma-drama ang last episode ng Today With Kris Aquino kahapon. Sabi nga ni Kris, ayaw sana niyang umiyak, pero hindi niya mapigilan dahil mahal niya ang programa.

Kaya naman hindi ko rin mapigilan na maiyak din dahil since mag-start ang show ni Kris, naging habit ko nang panoorin ang programa although may mga episode na corny. Pero marami rin namang episode na nakaka-scoop sila na pini-pick up at nagiging malaking story at mga episode na kapupulutan ng aral.

Lahat na yata ng klase ng tao ay na-interview sa nasabing show. Mula sa mga dating presidente - Cory Aquino, Fidel Ramos at Joseph Estrada, hanggang lesbian and gay relationship, tragedy, massacre etc. May episode silang ang guest ay naka-slipper lang na nasaksak at nagrereklamo sa nangyari sa kanya.

Mga topic tungkol sa pag-ibig, buhay may-asawa, pagpapakasal, pag-iisa, katatawanan, katatakutan, latest showbiz news, pulitika at marami pang iba ay tinalakay nila. Kahit ang sarili ni Kris ay binuksan niya sa TWKA.

Tumagal ang programa ng three years and four months.

Sad ako sa pagkawala niya sa 11:00 a.m slot. Kahit sinasabi ng iba na taklesa si Kris na minsan ay nao-offend ang mga guests niya. For me, bagay sa kanya ‘yung pagiging taklesa niya. Enjoy nga eh. Bihira lang kasi ang host na ganoon ang attitude, I mean hindi ‘yun kayang gawin ng ibang host. Minsan naman, relate na relate siya sa sinasabi ng guest niya kaya nagsi-share na rin siya ng experience niya.

For Kris career move ang ginawa niya dahil napatunayan naman niya na siya nga ang daytime queen of talk shows.

Pero hindi rin naman masyadong nakakalungkot dahil mapapanood naman siya sa Balitang Kris bilang kapalit ng Balitang K ni Korina Sanchez na mapapanood naman sa TV Patrol starting Monday. Makakasama ni Korina sa TV Patrol Power Team sina Henry Omaga-Diaz and Aljo Bendijo na nagkaroon ng presscon-cum-launching sa Mario’s Morato. Sa case naman ni Korina, kino-consider din niyang career move ang paglipat niya sa TV Patrol kahapon din.