The return of the New Minstrels

Isang taon na ang nakakaraan nang magkaroon ng reunion ang The New Minstrels sa isang Valentine concert sa Music Museum. Ito ay nai-record ng live ng Viva Records at mabibili na sa mga record bars. Ito ang pagkakataon ng lahat na masubukan ang galing ng itinuturing na most popular showband nung 70’s.

Hiwa-hiwalay na ang grupo. May ilang nagsosolo na sa pagkanta. Para sa pagdiriwang ng kanilang ika-25th anniversary, siyam sa mga dating members ang nagbalik para sa concert. Sila sina Louie Reyes, Eugene Villaluz, Ding Mercado, Ray-an Fuentes, Eileen Dolina-Novak, Meiling Gozun-Fuentes, Cesar dela Fuente Aida Balmaceda-Surla at ang musical director/pianist na si Babes Conde.

Ang The New Minstrels Grand Reunion Concert ay binubuo ng 40 foreign at Filipino songs mula sa magkakaibang era. Kasama na rito ang mga awiting associated sa grupo gaya ng "Buhat," " Dahil Sa Iyo," "Mahiwaga," "Balut," "Rock Steady," "The Way We Were," "70’s Medley," "Kahit Na Magtiis," "Who Can I Turn To," "What Kind of Fool Am I," "My Funny Valentine," "Nothing I Want More," "When I Look in Your Eyes," "You are the Sunshine of My Life," "This is the Moment," "Boogie Woogie Bugle Boy of Company B," "Opus One," "In The Mood," "Lullaby of Broadway," "Mona Lisa," "For Sentimental Reasons," "Red Sails in the Sunset," "Walking My Baby Back Home," "Too Young," "Promises, Promises," "I Say a Little Prayer," "Wanting Things," "Moment to Moment," "Make It Easy on Yourself," "Close to You" and "This Guy’s in Love with You."

Ang album ay produced ni Eugene Villaluz para sa Viva Records.