25th Anniversary Party ng ‘Love Radio’

Nung Valentine‘s Day, February 14, ay 25th year sa FM band ng 90.7 Love Radio. Bilang selebrasyon ng naturang anniversary, nagkaroon ng dalawang special music extravaganza kahapon Peb. 16 sa Hard Rock Café at ngayong Sabado Peb. 17 sa Star City.

Makakasama sa Star City along Roxas Boulevard sina Judy Ann Santos, The April Boys, Rockstar, Mae Rivera, Tootsie Guevarra, Nikki Valdez, The Grin Department, Teeth, Parokya ni Edgar at Aegis Band.

Nakatakda ring i-launch ang 90.7 Radio‘s Special Anniversary Album under BMG Records Pilipinas entitled "The Ultimate Collection, 90.7 Love Radio, Celebrating 25 years of Beautiful Music" na naglalaman ng mga pinakamaganda at pinakasikat na love songs ng mga nakalipas na taon.

Ang mga sponsors ng naturang anniversary presentation ay Biogesic, Enervon, Progress, Greenwich, Lucky Me, Alaska at Imarflex. Maaaring manalo ang mga tagapakinig ng mga major raffle prizes tulad ng home appliances at special give-aways sa naturang two-day special show.