Dumaan sa hirap si Alberto

Magbibida na rin sa wakas ang aktor na Taga Nueva Ecija na hinubaran noon sa pictorial para raw sumikat ang ngayon ay binigyan ng break sa pelikulang Pilak.

Ito ang baguhang si Alberto de Esteban na nag-akala na lahat ng sabihin ng mga nagpapanggap na builder of stars ay okey lang. Marami kasi siyang nakausap at nangako ng stardom pero wala namang natutupad kahit isa.

"Pulos drawing. Puro pangako," kwento ng bagong actor. Nagdaan din si Alberto sa tanghalan ng pagsasayaw na tinatangkilik ng mga matang uhaw sa katawan.

Ngayon, iba na ang takbo ng buhay ni Alberto, nasa pelikula na. Isa siya sa gaganap na bida sa pelikulang Pilak . — Vg