Kuya Germs, hall of famer na

Pinarangalan ng Top Men & Women of the New Millennium ang Master Showman na si Kuya Germs Moreno bilang hall of famer sa larangan ng entertainment. Nakamit pa rin nito ang Grand Achievement Awards sa Arts & Entertainment.

Ayon sa founding Chairman na si Jonathan Navea ay karapat-dapat lang si Kuya Germs sa natamong karangalan dahil sa dami nitong naiambag sa ating industriya lalo na ang pagtuklas ng mga genuine talents na nagmula sa That’s Entertainment. "Hanggang ngayon ay patuloy pa rin siya sa pagtulong sa mga kabataan para di maligaw ng landas dahil may pagkakaabalahan silang trabaho bilang artista o singer," ani Jonathan.

Kasamang tumanggap ng award si Kuya Germs na sina Ate Luds Carvajal, Director Willie Schneider at Jose Mari Chan.

Ang 16th Parangal ng Bayan ay idinaos sa Philamlife Theater noong Enero 18 kung saan bukod kay Jonathan ay naging punong-abala din ang coordinator na si Licoln Cu. -- EA