Ang pelikulang ito ay tungkol sa isa sa mga kauna-unahang mga nanirahan dito sa mundo–ang mga dinosaurs. Si Aladar, isang iguanodon ay nasa loob pa lamang ng itlog nang mahiwalay sa kanyang mga kauri. Mabuti na lamang at napunta siya sa mga mapagmahal at mabubuting mga lemurs kung saan nakilala niya sina Zini na isang pilosopo at ang mabait na si Pilo. Masaya na sana ang kanilang pagsasama pero biglang umulan ng mga bulalakaw na nagwasak sa malaking bahaging mundo. Ito ang dahilan kung kaya’t kailangan nilang sumama sa ibang mga dinosaurs at hanapin ang paraisong itinakda para sa kanila kung saan sila maaaring magsimula ulit.
Ang Dinosaur ay isang natatanging pelikula na siguradong magugustuhan ng lahat kung kaya’t hinding hindi magsisisi ang mga bibili nito. At bilang bonus sa mga unang bibili ng Dinosaur, ito ay mabibili sa isang ispesyal na box. Kaya’t magmadali na, dahil ang ispesyal na box ay limited lamang!
Ang original video ng Dinosaur ay eksklusibong ipinamamahagi ng Walt Disney Home Video sa pamamagitan ng Viva Video, Inc. at mabibili sa Video City, Astrovision, SM Department stores, Tower Records, National Bookstore at iba pang video stores sa buong bansa simula 30 ng Enero 2001.