Dumarami ang kalaban ni Pamela

Kampante na sana si Pamela Ortiz sapagkat unti-unti na siyang napapansin bilang isang marunong umarteng bold star nang bigla ay mabalik ang trend ng pelikula sa bold movies at kasunod nito ay nagsulputan na naman ang napakaraming bold stars, mas daring at walang kyeme kyeme hindi lamang sa paghuhubad kundi maging sa pagganap sa mga maiinit na eksena.

"Hindi naman ako nai-insecure pero, muli ay lumiit ang tsansa naming mga nauna dahil napakaraming artista pero, kakaunti naman ang pelikula. At kung hindi malakas ang loob namin, tatalunin kami ng mga bago. Na-earn ko na ang aking rightful position bilang isang sexy star pero sa pagdating ng mga mas bago, kailangan ko na namang patunayan ang aking kakayahan," sabi niya.