Tanging yaman, still winning awards

Pagkatapos ng kanyang victory sa katatapos na MMFF 2000, isa na namang malaking tagumpay ang natamo ng pelikula ng Star Cinema na Tanging Yaman sa UP Young Critic Circle (YCC).

Tatlong major awards ang napanalunan nito, ang Best Picture kaalinsabay ng Bayaning Third World & Director, at Best Performer for the whole cast starting from Gloria Romero down to Shaina Magdayao.

Isa lamang ito sa malaking patunay na ang tamang kalalagyan sa mag-asawang Johnny Delgado at Laurice Guillen ay ang pelikula, na marami pa silang magagawang magagandang pelikula na kapupulutan ng aral at magsisilbing inspiration sa marami.

This is a far more effective vehicle in spreading the word of God na siyang dahilan kung bakit iniwan nila ang kanilang mga gawain nun for sometime.

* * *

Ipinagmamalaki ni Isabel Granada na siya ang pinaka-unang dumating sa kanilang mga taga-That’s nung gabi na magkaroon sila ng reunion at mag-celebrate ng anniversary sa programang Master Showman Presents.

"Tita, alas-7:00 pa lamang ay nandito na ako. I came early dahil may rehearsal pa kaming dapat gawin pero, hindi rin namin nagawa dahil late nang dumating ang mga kasama ko sa Monday group. As it was, maganda naman ang naging presentation nila ni Tootsie Guevarra, Nathaniel Rivera at Cary. Kumanta sila ng isang medley of songs na nagpakita ng kanilang kagalingan sa pagkanta. Yung mga kasamahan nila sa Monday group ay very proud sa kanilang apat.

Isa sa ipinagkakapuring alumni ng That’s, ang bata at magandang Espanyola. In fact, sa programang ito siya nahasa ng mabuti sa pagkanta. Nung nagsisimula pa lamang siya ay hindi ganun kaganda ang kanyang boses at naging mahusay siyang performer.

Ang mga nakasama niyang kumanta are also making their mark in the music world. Si Cary na dating miyembro ng grupong Quamo which produced two hit albums ay kumakanta pa rin pero, hindi na kasama sina Ronel Wolfe at Romano Vasquez. Mayron na rin siyang isang malaganap na negosyo na pinagtutulungan nilang mapalago ng kanyang mapapangasawa.

Si Tootsie ay isa na ring hit maker ng Star Records. Ginagawa na niya sa kasalukuyan ang kanyang third album.

Si Nathaniel ay nasa pamamahala na ng ABS-CBN Talent Center at napapanood na sa mga drama series na ginagawa nito.

*****

Tatlo na pala ang taga-That’s na gumagawa ng pangalan sa international scene. Una na si Lea Salonga na unang nakilala bilang Kim sa malaganap na Miss Saigon na ginanap sa Broadway at sa London. Ang ikalawa ay isa pa ring Kim na na-assign naman sa Germany. Ito si Caseylin Francisco na kasalukuyang nasa Holland at katatapos lamang, mag-perform sa musical na Rent. In demand si Caseylin sa panig na ito ng mundo at sa kasalukuyan ay naghahanda na siya para sa isang bagong kabanata ng kanyang buhay, when she says I do sa unang quarter ng taong ito. European ang guy na last year niya nakilala.

The third product of That’s na talaga namang tinitilian sa Europa at napapasama sa mga shows na nagtatampok sa mga sikat na European and American groups ay si Billy Crawford. Tumawag siya to say na na-miss niya ang Pilipinas last Christmas. He wanted to come home na tulad ng ginawa nilang mag-ina last year kaya lang may pressing commitment siya sa New York na hindi niya maiwan. He promised to come home as soon as he can. Umalis si Billy na isang bata at nagbalik na isa nang popular na teener pero wala pa ring pagbabago. Proud siya na sabihin sa lahat na isa siyang Pilipino.