Masuwerte si Allona

Sinusuwerte ang star ng El Niño Films na si Allona Amor. Paano sunud-sunod ang pelikulang ginagawa niya, sa kabila ng katotohanang bibihira ang producer na nagpo-produce ngayon. Tuloy sa paggawa ng pelikula ang kanyang producer na si Mila Pascual. Ang katwiran niya, mas bulto na si Allona at dapat lang samantalahin habang mainit ito sa mga kalalakihan. Matagal ng producer si Mila at alam na alam na niya ang kalakaran. Isa pa, mabait si Allona. Mahusay ding umarte. No kiyeme.

Dramatic nga ang papel niya dito sa Naghuhumiyaw bilang asawa ni Fernando Montenegro na sa kabila ng pagmamahal sa kanya ay nagawa pang pagtaksilan. Dala marahil ng kabataan ni Allona. Pero sa bandang huli ay nagkabalikan din naman. Na-in love si Allona sa isang bold actor ding si Paolo Rivero. Nagustuhan din ng producer ang acting ng baguhang bold actor. Hindi malayong masundan pa ang paggawa nito sa El Niño, basta huwag lang lalaki ang ulo. Kinunan ang shooting ng pelikula sa Nueva Viscaya at may portion ding kinunan sa Baguio City. — (Ulat ni VIR GONZALES)