Christian album ni Bing Pimentel pumapatok

Isa sa pinakamabiling Christian albums ngayon ay ang "Nasaan si Hesus?" na ini-sponsor mismo ng Catholic Bishops’ Conference of the Phils. O CBCP sa ilalim ng label ng Concorde Records. Lahat ng kanta rito’y nilikha ni Lourdes "Bing" Pimentel, maybahay ni Sen. Aquilino "Nene" Pimentel.

Ang nabanggit na album ay kinapapalooban ng mga awiting ini-interpret nina Bimbo Cerrudo ("Walang Masama" sa Nakikita Mo," "Father Carlos Song," "Pagkakataon"), Rico Puno ("Ayoko Na"), Joel Villaflor ("Dahil Kay Kristo, Kristiyano Tayo"), Gelyn Orate ("Batang Lansangan") at marami pang iba. Sa musical show na ipinapalabas sa iba’t ibang venue sa buong kapuluan. Mapapanood naman dito ang interpreters ng mga komposisyon ni Ms. Pimentel na sina Rosanna Ordoñez, Chelsea Mata, Jenny Santos, Carol Arao, Arlene Borja, Angeliemae Flores, Daryl Reyes at Andy Bais.

Nasa CDs at cassettes, ang "Nasaan si Jesus?" ay mabibili hindi lang sa record bars kundi maging sa parishes.