Rufa, may re-launching movie

Isa na si Rufa Mae Quinto sa masasabing matagumpay na sexy star. Nagsimula siya bilang bold star, pero unti-unti siyang nakawala sa kanyang image dahil sa ibinibigay na role sa kanya ng Viva. Mas effective pa nga siyang komedyante ngayon kesa pagiging isang sexy star. Pero hindi nawawala sa kanyang anino ang kanyang sinimulan.

Pawang kumita ang mga pelikula niyang sinamahan na komedyante ang papel niya. Tulad ng pelikula nila nina Aga Muhlach-Regine Velasquez/Robin Padilla-Regine Velasquez.

Ngayon ay nag-iisip ang Viva na bigyan siya ng solo movie na magbibigay sa kanya ng pagkakataon na ipakita ang kanyang galing sa pagpapatawa at pagpapa-sexy na rin.