Balik-bold si Rita

Pinakasumpa-sumpa na ng bold aktres na si Rita Magdalena na hanggang makakaiwas siya, iiwasan niya ang pagbu-bold." Naging matunog ang pagtanggi ng sexy star sa mga alok sa kanya noon. Pero, sa isang proyektong tulad ng Huwad Na Hayop ay bakit hindi siya nakatanggi?

"Nabasa ko kasi ang istorya, hindi basta-basta o ordinaryong istorya ang kasasangkutan ko," pagtatapat ng hanggang ngayon ay naroon pa rin ang kanyang kaseksihan. "Masyadong masalimuot. At hindi basta isang ordinaryong tema na naglulundo sa halikan, patayan, kundi ito’y nag-uugat sa loob ng isang pamilya. Ng isang samahan na nagsimula sa isang maganda at hindi matutulularang pagsasama. Pero, dumating ang panahon na nabuwag din ito na parang isang pundasyon ng isang malaking gusali."

Ang istorya ng Huwad Na Hayop ay umiikot sa apat na main karakter, namely, Patrick Guzman, Rachel Lobangco at Rita Magdalena.

Nagsimula ang alitan ng mag-asawang Fred de Vera at Margie sa kanilang kapitbahay na si Ben Vargas. Gustong ipaalis ng una ang bakod sa pader na nasasakupan ng lupa ng pangalawa. Natuloy nga ang paggiba, pero humantong naman iyon sa husgado. Walang nangyari dahilan sa halos hindi naman nasunod ang kagustuhan ng isa sa pagkakagawa ng bakod. At doon na nagpatuloy sa paglala ang alitan ng dalawang pamilya.

Kung ano man ang magiging kahihinatnan ng dalawa, abangan na lamang pagsapit ng Nobyembre 22 sa mga pangunahing sinehan sa Metro Manila. Ito’y sa direksyon ni Dante V. Javier at released naman thru GP Films, Inc. – Rlmorata