Vina, muntik masiraan ng loob

Nakahinga ng maluwag si Vina Morales nang matapos ang hindi naman katagalang paghihintay ay ipalalabas na rin ang pelikula na pinagtambalan nila ni Jinggoy Estrada na pinamagatang Sagot Kita... Mula Ulo Hanggang Paa ng Millennium Cinema. Naantala ang pagpapalabas nito dahilan sa kaguluhang nangyayari sa bansa na naapektuhan ng husto ang kanyang kapareha sa pelikula pero, ipalalabas na rin ito bukas, Nob. 1 sa mga commercial theaters.

"Akala ko masasayang na lang ang pagod namin, pinaganda pa naman namin ng husto ang movie. Talagang masisiyahan ang mga manonood," ani Vina.

Sa movie ay nagamit ni Vina ang kanyang kahusayan sa pagsasayaw. Kahit na may pagka-comedy ang dance scene nila ni Jinggoy ay hindi pagtatawanan ng mga manonood ang eksena, bagkus ay hahangaan nila si Jinggoy sa effort na ipinakita nito para mapalabas na maganda ang aksena. "Nakakahiya naman kung basta na lang ako susubo sa eksena nang walang preparasyon, ang galing galing sumayaw ng kapareha ko," ani Jinggoy.