Center for Pop music maglulunsasd ng malalaking konsiyerto

Ang kauna-unahang paaralan sa pop singing na Center for Pop Music Philippines ay nakatakdang maglunsad ng sunud-sunod na malaking konsiyerto bilang learning experience ng bawat estudyante sa voice at stage performance development.

Malaki ang paniniwala ng Founder at President ng Center for Pop Music Philippines na si G. Butch Albarracin na ang pag-aaral at paghahasa sa pop singing ay hindi dapat nililimitahan sa loob ng studio kundi hinihikayat dapat ang estudyante na mag-concert. Dahil sa ganoong paraan ay isang malaking pagkakataon para sa isang estudyante para makapagtanghal tulad ng mga sikat na at paborito nilang mang-aawit.

Ang mga sumusunod na major concerts ay ang "Lakbay Musika" sa ika-4 ng Nobyembre, Sta. Cecilia’s Hall, St. Scholastica’s College, Manila; "Kidstuff" sa ika-26 ng Nobyembre sa Phil. Medical Association (PMA) Auditorium, North Edsa, Q.C., "Centers Rhythm" sa sa ika-1 ng Disyembre, Greenhill Theatre, Ortigas; "Centers Angels" ika-8 ng Disyembre sa Music Museum, Greenhill Ortigas; "Kids in Fantasy" ika-9 ng Disyembre sa Music Museum, Greenhills, Ortigas; "Balik Tanaw" ika-16 ng Disyembre sa Hotel Rembrandt Penthouse; at "Silhouettes and Music" sa ika-19 ng Disyembre, Hotel Rembrandt, Q.C. si G. Albarracin mismo ang magdi-direct ng mga nasabing konsyerto.

Ang nasabing konsyerto ay bukas para sa publiko. Makakakuha ng ticket sa mismong venue bago mag-umpisa ang palabas o kaya magsadya sa Center for Pop Music Phils. sa #73 Erwin Garcia St., Cubao, Q.C. o tumawag sa 721-0714; 727-5293 at 4117310. – Rene V. Reyes