Pelikulang comedy sa Pre-Halloween special ng Ispup

Bawal ang takot, welcome ang malakas ang puso pati na rin panga, dahilan sa katatawa sa episode ng Ispup ngayong Sabado (Oct. 28) 8:00 n.g. sa ABC-5 Pre-Halloween special ang set-up ng comedy program na walang paltos pagdating sa paghakot awards. With its que horror na segments featuring the Ispup cast (Willie Nep, Jon Santos, Rufa Mae Quinto, Candy Pangilinan, Raffy Rodriguez and Leo Martinez) in a playful disguise as your favorite controversial personalities sa gitna ng sari-saring kahindik-hindik na sitwasyon at diskusyunan.

Si Jon as MTRCB chair Armida Siguion Reyna ay muling mamimili ng kanyang best horror flick for all season and shines; si Leo aka Chairman Yakis naman, mapapahiyaw sa kanyang makikita (ano kayang multo ’yon?)... siyempre, iisipin ninyo, kuwelang satire na tinimplahan ng isyung pampulitika at artista, paano kaya lalahukan ng panakot na sahog ng tropa ng Singko? Siyempre, watch na lang kayo ngayong Sabado, noh?

At 9:00 pm naman, toss aside your Halloween mask dahil sayawan at non-stop tiparan naman ang susunod sa Ispup-walang iba kundi ang Eezy Dancing Party Time, where the best dancers, and a bunch of beauties and hunks parade the dancefloor. Abangan, kabilang sa guest sina Piolo Pascual, Mo Twister, Rachel Alejandro, Choco & Delamar & other surprise party-goers. Never ka rin malu-luz valdez sa panonood ngayong Sabado kung ang mabentang Easy Money ay sasalihan mo, pagsapit ng 7:00 n.g. Reminder, ang datung na at stake ay tumataginting na P310,000! ’Wag i-miss mga dearest!