Bong/Rufa Mae movie, di apektado ng piracy

Showing pa rin hanggang ngayon ang pelikulang pinagtatambalan nina Rufa Mae Quinto at Bong Revilla na Mahal Kita Final Answer sa mga sinehan.

Malaki ang naitulong ng intrigang ikinakabit sa kanilang dalawa na diumano’y may relasyon sila kaya tuloy naging curious ang mga manonood sa kanilang pelikula. Bukod pa sa talaga namang nakakatawa ang movie dahil sa magaling na komedyante si Rufa Mae.

Malaki rin ang kinita ng pelikula sa kabila nang lumalalang piracy sa bansa. Ibig sabihin lamang ay mas gustong panoorin ng tao ang pelikula sa big screen. Sana rin ay ganito ang maging pagtanggap nila sa mga iba pang Tagalog movies na ang sinasabing dahilan kung bakit hindi kumikita ay dahilan sa paglaganap ng piracy sa bansa. Kaya naman ganun na lang ang kasiyahan ni Rufa Mae, ng Viva Films at lalo na ni Bong. – LMS