2 sugatan sa pamamaril sa sari-sari store

MANILA, Philippines — Dalawa katao ang nasugatan makaraang pagbabarilin sa harapan ng isang sari-sari store sa Balasan, Iloilo kamakalawa ng gabi. 

Sa report ni P/Capt. Renzo Martinez, hepe ng Balasan MPS ang mga biktima ay kinilala sa mga palayaw na Jay-Jay at Kizza; kapwa 23 taong gulang. 

Batay sa imbestigasyon, ang dalawang biktima ay kasalukuyang umiinom sa mesa ng isang sari-sari store sa Brgy. Poblacion Sur nang biglang dumating ang dalawang kahina-hinalang lalaki na ang isa ay armado ng baril habang ang isa pa ay may hawak na patalim. 

Sa matinding takot, nagtatakbo ang dalawa pero bigla silang pinagbabaril ng isa sa mga suspek na kanilang ikinasugat nang mahagip ng bala.

Ang insidente ay lumikha ng matinding sindak sa mga residente na nagsipagkubli sa matinding takot na mabaril din ng mga suspect.