Van salpok sa likod ng nakaparadang truck, 1 utas
MANILA, Philippines — Nasawi ang pasahero ng isang van matapos bumangga sa nakaparadang truck sa gilid ng daan sa Mariveles, Bataan,kamakalawa.
Sa paunang imbestigasyon ng pulisya na galing sa Balanga ang van at hindi napansin ng driver ang natigil na truck.
Ayon kay Police Lieutenant Colonel Dennis Orbista, hepe ng Mariveles Police, sinabi umano ng driver ng truck na nagkaroon ng aberya ang kaniyang sasakyan kaya ipinarada niya ito sa gilid ng daan.
“Nakalimutan niyang gawin is maglagay ng mga hazard signs kasi ‘yung lugar na iyon is madilim and two lanes lang siya,” ani Orbista.
Dagdag pa ng opisyal, hindi naman napansin ng driver ng van ang nakaparadang truck dahil sa madilim ang lugar kaya siya bumangga sa likod nito.
Nasawi ang pasahero ng van habang nagtamo ng minor injuries ang driver.Nahaharap sa kaukulang reklamo ang driver ng truck na sinabing umalis din siya sa sasakyan para umihi.
- Latest
