P8.9 miyong shabu nakumpiska ng PRO3 Sa 1-linggong drug ops.

‘MALOLOS CITY, Bulacan, Philippines — Nasa P8,962,170.96 na halaga ng iligal na droga ang nasamsam ng mga awtoridad sa loob ng isang linggong operasyon sa Gitnang Luzon kabilang ang lalawigang ito.

Sa report ng Police Regional Office 3 (PRO3), ikinasa ang magkakahiwalay na operasyon nitong January 13 hanggang January 19 taong kasalukuyan.

Nabatid na 141 ang ikinasang operasyon ng mga awtoridad  sa ibat-ibang panig ng rehiyon na may 211 katao ang naitalang naaresto.

Aabot sa 1,304.92 grams ang nakumpiskang marijuana at 739.36 grams ng shabu na may kabuuang halaga na P8,962,170.96.

Nahaharap ang mga naarestong suspek sa kaukulang kaso habang nakakulong sa mga yunit o istasyong humuli sa kanila.