Dahil sa nawawalang misis...Mister ‘napraning’, sanggol tinutukan ng baril
MALOLOS CITY, Bulacan, Philippines — Arestado ang 49-anyos na lalaking nanutok ng baril sa isang sanggol nang hindi makita ang nawawala niyang asawa sa bayan ng San Miguel.
Sa report na nakarating kay Bulacan Police director PCol. Satur Ediong, kinilala ang suspek sa alyas “Edu”, residente ng Brgy. Pulong Bayabas.
Ayon sa report ng pulisya, nangyari ang insidente bandang alas-10:00 ng gabi nitong Enero 13 sa nasabing lugar.
Lumalabas sa imbestigasyon, pumunta ang galit na suspek sa bahay ng pamilya ng biktima para ilabas ang kanyang hinahanap na asawa kasabay ang pagtutok ng baril sa ulo ng 9-month old na sanggol na naroroon.
Nang makarating sa mga awtoridad ang nangyari ay agad silang rumesponde sa lugar kaya agad nahuli ang suspek at nasamsam ang improvised gun at 16-gauge live round of ammunition.
- Latest
