BULACAN, Philippines — Nalambat sa hot pursuit operation ng mga pulis ang 31-anyos na magsasaka na umano’y namaril na ikinasugat ng 29-anyos na lalaking nakainuman niya nitong gabi ng Enero 13 sa bayan ng Bustos, dito sa lalawigan.
Narekober ng mga pulis sa operasyon ang Squid Man Cal. 22 rifle at magazine at tatlong bala sa suspek habang ginagamot naman ang biktima sa Bulacan Medical Center
Samantala sa bayan ng Plaridel, bandang alas-12:45 ng madaling araw nitong Enero 14 arestado rin ang umano’y lalaking lasing na nagsisigaw, may dalang itak at pumalag sa mga rumespondeng pulis.
Nakumpiska ng mga pulis sa naarestong lasing na suspek ang bolo knife na kanyang bitbit.
Nahaharap ang mga suspek sa patong-patong na kaso habang nakakulong sa istasyong humuli sa kanila.