Binata, inutas nang nakaluhod

MANILA, Philippines — Tila nagmamakaawa pa sa suspek ang isang 21-anyos na binatang pinagsasaksak at nakaluhod pa nang matagpuan sa madamong bahagi sa Sitio Silangan, Brgy. Niog, Bacoor City, Cavite.

Tadtad ng saksak at duguang nakaluhod nang matagpuan ang biktima na kinilalang si Sonjay Birt, residente ng nasabing lugar habang hindi naman nakilala ang salarin.

Sa imbestigasyon ng pulisya, alas-6:30 ng umaga nang matagpuan ang duguang biktima na nakaluhod sa madamong bahagi sa Sitio Silangan na tadtad ng saksak na hindi bababa sa 10 saksak ang katawan.