Buko vendor kinatay sa inuman

MANILA, Philippines — Tadtad nang saksak at namatay noon din ang isang buko vendor mula sa kainuman nito,kamakalawa sa Molino Wet and Dry Public Market, Brgy. Molino 3, Bacoor City, Cavite.

Sa ulat ng pulisya, alas-12:30 ng madaling araw nang maganap ang insidente habang nag-iinuman ang biktima at suspek nang magtalo ang mga ito sa hindi pa malamang kadahilanan.

Dahil sa kapwa mga lasing ay agad  dinampot ng suspek ang patalim na gamit sa pulutan at inundayan ng saksak ang  biktima.

Isang sekyu na naka-duty malapit sa lugar ng inuman ang umawat kaya’t natigil ang pananaksak.

Naaresto ang suspek na kinilala sa alyas na Nicolas, 42 residente ng Rambles Villa Esperanza, Brgy. Molino 2 Bacoor City, Cavite.