Tattoo artist dedo sa aksidente sa Bulacan
MALOLOS CITY, Bulacan, Philippines — Humihingi ng tulong ang mga kaibigan, mahal sa buhay ng skateboarder na mapanagot ang nakapatay sa huli na tumakas matapos na mabangga sa bayan ng Sta. Maria, dito sa lalawigan.
Kinilala ang biktimang si Loloy Capingol, kilalang mabait, magaling na tattoo artist at skateboarder sa bayan ng Sta. Maria at sa iba’t ibang panig ng lalawigang ito.
Sa impormasyong nakalap at base na rin sa Facebook post ng mga nakakakilala sa biktima, naganap ang aksidente bandang alas-3:00 ng madaling araw nitong Disyembre 8 sa kahabaan ng Dulong Bayan, Guyong highway.
Ayon sa Facebook post, walang nakakita sa mga plaka ng kotse at motorsiklong tumakas at naka-aksidente sa biktima.
Dahil dito, humihingi sila ng tulong na mabigyan sila ng mga CCTV footages sa mga lugar na nabanggit para maplakahan, makilala, mahuli at mapanagot ng mga awtoridad ang nakapatay sa biktima.
Sinasabing nadamay lamang sa aksidente ng dalawang sasakyan at napuruhan ang biktimang nasa lugar nang mangyari ang aksidente.
- Latest
