Manyakis naaresto ng NBI; 3 menor-de-edad, nasagip

MANILA, Philippines — Naaresto ng mga elemento ng National Bureau of Investigation (NBI) ang isang lalaki na sangkot sa children sexual abuse at at exploitation materials sa Lapu-Lapu City, Cebu.

Ayon kay NBI Director Jaime Santiago, nakatanggap ng referral ang kanilang hanay mula sa US Honeland Security Investigations Office na sangkot ang suspek sa child exploitation activities.

Dahil dito, agad na kumuha ang NBI at US Homeland ng Warrant to Search, Seize and Examine Computer Data kayat natunton ang suspek sa kanyang tirahan at nasagip ang tatlong menor-de-edad.

Nakumpiska rin sa suspek ang mga sex toys, tatlong cellular phones at iba pa.