MANILA, Philippines — Dead-on-arrival sa ospital ang isang sales agent matapos magtamo ng matinding pinsala nang mabangga ang minamanehong kotse ng kasunod na truck sa Cainta, Rizal, Huwebes ng hapon.
Idineklarang patay sa Cainta Municipal Hospital ang biktimang si Nicoals Gacoscosin, 32 anyos, residente ng San Mateo, Rizal.
Arestado naman ang driver ng truck na si alyas “Cenando”, 55 anyos.
Sa ulat ng Cainta Municipal Police Station, dakong alas-2:20 ng hapon ng Nobyembre 7 nang maganap ang insidente sa tapat ng Phoenix Gasoline Station sa Felix Ave. Cainta, Rizal.
Ayon sa imbestigasyon na ibinatay sa CCTV footage, ang Honda na minamaneho ng biktima at ang Sinotruck na minamaneho ng suspek ay parehong binabaybay ang nasa parehong lane patungong Cainta Junction nang mabangga ng huli ang Honda.
Matinding pinsala ang tinamo ng Honda gayun din ang driver na isinugod sa pagamutan.
Humingi ng tulong sa pulisya ang kapatid ng biktima na nagresulta sa pag-aresto sa truck driver. (=