OLONGAPO CITY, Philippines — Inanunsyo ng power distributor sa lungsod na ito na nagkaoon ng pagbaba sa presyo ng kuryente ng kada kWh para ngayong October billing.
Ayon sa Olongapo Electric Distribution Company (OEDC) nasa P0.26 per kilowatt-hour ang ibinaba ng kasalukuyang buwan na 11.73/kWh kumpara sa P11.99/kWh para sa September billing month.
Ang pagbaba umano nito ay dahil sa mababang singil sa generation charges at transmission charges.
Samantalang nanatili naman sa P1.1210/kWh at hindi nagbabago simula pa noong 2018 ang singil sa distribution charge ng OEDC.
Hiniling naman ng OEDC sa publiko na kung mayroon mga karagdagang katanungan ay maaaring magsadya sa kanilang tanggapan.