MANILA, Philippines — Pinaghahanap ng mga awtoridad ang isang person of interest sa panggagahasa sa bangkay ng isang babae na kalilibing pa lamang sa sementeryo ng Carcar City sa Cebu.
Batay sa ulat, namatay ang 22-anyos na babae dahil sa komplikasyon sa panganganak at inilibing nitong Oktubre 19.
Laking gulat naman ng tagabantay sa sementeryo nang mapansing wala sa loob ng nitso ang kabaong na kinahihimlayan ng mga labi ng biktima.
Nang tignan ang loob ng ataul, nakita na nakataas ang damit ng bangkay at nawawala rin ang underwear nito kaya agad na ni-report nila sa pulisya.
Kumuha naman ng specimen mula sa bangkay ang mga imbestigador upang alamin kung nilapastangan ang bangkay.
Iniimbestigahan ng mga awtoridad ang posibleng kaso ng necrophilia o panghahalay sa bangkay.