CAVITE, Philippines — Arestado ang isang lalaking most wanted ng South Cotabato at sa Provincial Level sa isinagawang pagsalakay ng pulisya sa hideout nito kamakalawa sa Brgy. Tejeros Convention, Rosario, dito sa lalawigan.
Bitbit ang warrant of arrest na inisyu ni Judge Gerardo Caalaman Braganza ng 11th Judicial Region RTC Branch 43, Koronadal City, South Cotabato, para sa mga kasong 2 counts statutory rape thru sexual assault, 3 counts Ng Acts of Lasciviousness in relation to Section 5(b) of RA 7610 and Lascivious Conduct in relation to Section 5(b) of RA 7610 na walang inirekomendang piyansa para sa 2 counts Statutory Rape thru Sexual Assault at 3 counts of Acts of Lasciviousness.
Sa ulat ng pulisya, alas-10:20 ng umaga nang magkasa ng warrant operation ang pinagsanib na puwersa ng Rosario, Cavite Warrant Section, Koronadal City Police, South Cotabato Police Intelligence Unit at RID12 tracker team Charlie laban sa suspek na si alyas Deigos, nasa hustong gulang at naninirahan sa Brgy. Tejeros Convention, Rosario, Cavite.
Ilang taon ding nagtago sa batas ang akusado bago soya maaresto ng mga awtoridad.