MANILA, Philippines — Idineklara nang “insurgency free” mula sa kamay ng mga rebeldeng grupo na naghahasik ng kaguluhan at terorismo ang lalawigan ng Misamis Occidental.
Ang deklarasyon ay dinaluhan ni Pangulong Ferdinand “Bongbong” Marcos Jr. sa Tangub City Global College Sports Complex sa Misamis Occidental.
‘’After years of consistent and resolute security, peace, and community-building, we have succeeded in our campaign to end the decades of conflict in the 60 barangays in your province that were once in the clutches of insurgent movements,’’ pahayag ni Marcos.
Matagumpay aniyang nawasak ang pangunahing pamunuan ng mga dating insurgents na nagpapakilos sa Misamis Occidental at nagresulta naman ito sa muli nilang pagbabalik sa lipunan.
Kasabay nito, inatasan ni Marcos ang mga lokal na pamahalaan ng probinsya na palakasin ang pakikipagtulungan sa iba’t ibang ahensya ng gobyerno, mga katuwang, at iba pang stakeholder “para hadlangan ang anumang pagbabalik o pag-angkat ng mga teroristang grupo o sinumang kanilang tagasuporta o financier na maaaring magbalik sa lalawigan.
‘’Let us harness the power of peace to uplift this province, this region, and this nation to unparalleled heights. Let Misamis Occidental stand as a shining example of what can be achieved when we work for the greater good together,’’ ayon pa kay Marcos.