MANILA, Philippines — Bagsak sa selda ang isang pulis, misis nito at isang miyembro ng Philippine Coast Guard (PCG) nang maaresto sa isang buy-bust operation naganap kamakalawa ng hapon sa Brgy.Boalan,Zamboanga City.
Kinilala ni Police Regional Office-9 Dir.Brig. Gen. Bowenn Joey Masauding, director ang tatlong suspek na sina Police Staff Sergeant Siddih Lajahasan Alliudin, Jr.,misis na si Mardie Abbas Alliudin; at ang PCG member na si Mohammad Sallie Lito Abbas na nakumpiskahan ng P13.6 milyon halaga ng shabu.
Ayon kay Masauding, agad na inaresto ng mga hindi unipormadong mga kasapi ng Regional Drug Enforcement Unit ng PRO-9 at mga operatiba ng Zamboanga City Police Office ang tatlo matapos silang bentahan ng dalawang kilong shabu sa isang entrapment operation sa Zone 6 sa Barangay Boalan sa lungsod.