CAVITE, Philippines — Patay na nang matagpuan ang isang lalaki habang palutang-lutang sa isang sapa, kamakalawa sa Sitio Manggahan, Brgy. Pasong Camachille 1, Gen. Trias City Cavite.
Hindi pa rin nakilala ang biktima na tinatayang nasa edad na 55 hanggang 60, nakasuot ng brown t-shirt at itim na underwear.
Sa ulat ng pulisya, alas-10:20 ng umaga nang matagpuan ng isang residente ang katawan ng biktima na nakadapang palutang-lutang sa nasabing sapa.
Inaalam na ng pulisya kung pagkalunod ang ikinamatay ng lalaki o pinatay ito at itinapon sa sapa.