TINAMBAC, Camarines Sur, Philippines — Nangisay at patay na nahulog sa sinasakyang kalabaw ang isang 56-anyos na magsasaka matapos sumabit ang katawan sa kable ng kuryente sa Brgy.Union, Tinambac, Camarines Sur kamakalawa ng hapon.
Sinubukan pang dalhin ng kanyang anak sa Tinambac Infirmary Hospital ang walang malay na biktima na kinilalang si Leonardo Martinez Azaña, residente ng Zone-4, Brgy. San Roque, pero idineklara itong patay na.
Sa ulat, dakong alas-5:00 ng hapon mula sa Brgy.Union sakay sa kanyang kalabaw ay pauwi na sana ang biktima sa kanilang bahay nang aksidenteng sumabit ito sa kawad ng kuryente at nakurynte.
Mabilis naman itong sinaklolohan ng anak at isinugod sa pagamutan pero idineklarang dead-on-arrival.