Magsasaka tinangay ng malakas na agos sa ilog habang tumatawid
MANILA, Philippines — Isang magsasaka ang naiulat na nawawala matapos na tangayin ng malakas na agos ng tubig sa ilog sa Sitio Daeng,Barangay Halog East,Tubao, La Union, kamakalawa ng hapon.
Batay sa ulat mula sa Police Regional Office 1(PRO1) kahapon, kinilala ang nawawalang magsasaka na si Pepito Doria, 61, residente ng nasabing barangay.
Bago ang nasabing insidente ay nagtungo sa talipapa si Doria upang iligtas ang kanyang mga kagamitan.Habang tumatawid sa ilog ay biglang lumakas ang agos ng tubig at natangay ito.
Nagsagawa ang mga pulis kasama ang mga tauhan ng Bureau of Fire Protection (BFP) at municipal disaster risk reduction and management office (MDRRMO) ng search at rescue operations para sa posibleng makuha ang katawan ng biktima.
- Latest
